Ditën e sotme Kreu i Partisë Demokratike Sali Berisha ka dalë në një komunikatë për shyp ku nuk ka kursyer akuzat dhe kritikat ndaj kryeministrit Rama. Ai vuri në fokus sigurinë kombëtare që sipas tij është kërcënuar, duke përmendur 2 ngjarjet e fundit. Ai shtoi se fatmirësisht vendi është anëtar i NATO-s, pasi situato do të ishte shumë e rëndë sipas tij. B erisha përmendi edhe atë që pritet të ndodhë sot ku 2 avionë amerikanë do të fluturojnë mbi sheshin Skënderbej.
“Meqë jemi në fushën e lajmeve për spiunë ju dëgjuat një muaj më parë se një prej figurave më kyçe ishte aset rus. Në të vërtetë ju garantoj se ai nuk është i izoluar. Fatos Klosi ndiqej nga shërbime inteligjente për lidhje të dyshimta me dy shërbime të tjera. Frederik Ymeri e emëroi në detyrën më të lartë dhe drejtorinë më të rëndësishme, Fatos Klosi. Këto në mënyrë direkte apo jo janë të lidhura gjer në kreu e piramidës së këtij vendi. Siguria kombëtare sot është e kërcënuar. Shqipëria është anëtar i NATO-s dhe askush nuk mund të luajë me sovranitetin dhe integritetin e saj territorial. Sot mbi qiellin e Tiranë fluturojnë fortesa ajrore B52, uroj që miku i Ramës Vuçiç dhe barbari i Kremlinit Putin, t’i shohin këto fortesa”, tha Berisha.
