Një 45-vjeçar shqiptar ka ndërruar jetë nga COVID-19 në Itali.
Sipas mediave italiane, bëhet fjalë për Altin Hyson, i cili banonte në Sulmona prej 25 vitesh.
Prej kohësh ai luftonte me një sëmundje të rëndë, ku prej 7 vitesh kishte arritur ta mbante në kontroll, edhe pse me vështirësi të madhe.
Ai ndërroi jetë në një spital në Chieti, ku ishte transferuar disa ditë më parë nga Ortona.
Dëshira e tij e fundit ishte që të vdiste mes familjarëve, një dëshirë e parealizuar, pavarësisht se tamponi i fundit e nxorri negative.
Familjarët e tij shprehen, se prisnin përgjigjen e tamponit të dytë, për ta dërguar në shtëpi.
Më tej ata tregojnë se Altini nuk e humbi kurrë buzëqeshjen nga fytyra edhe gjatë kohës që luftonte me sëmundjen e rëndë.
Altin Hyso punonte në ndërtim dhe la pas gruan me dy fëmijë minorenë.
Vdekja e tij ka prekur së tepërmi komunitetin shqiptar në zonën ku ai banonte.
Banorët e zonës e njihnin si një njeri familjar dhe të përkushtuar në punë, i cili e kishte ndarë jetën mes punës në kantier dhe dashurisë për fëmijët, por megjithatë virusi nuk e kurseu.
