Paulo Fonseca mund t’i ketë ditët e numëruara në Milanello. Sipas mediave italiane, konkretisht ‘Sportmediaset’, bëjnë me dije se drejtuesit e Milanit dhe konkretisht Zlatan Ibrahimovic, ka nisur nga puna për të zëvendësuar trajnerin që në pesë javët e para në kampionat ka vetëm një fitore me klubin që u bashkua në verë. Humbja e fundit 1-3 në Champions League me përmbysje nga Liverpool ka “derdhur kupën” dhe pak ditë para derbit kundër Interit, te kuqezinjtë po mendojnë për trajnerin e ri. Fonseca duket se do ketë derbin si shpëtim, ku një fitore do e mbante në punë, në të kundërt largimi është më shumë se i sigurt për ish-trajnerin e Romës dhe Lille. Madje që tani kanë nisur të qarkullojnë edhe emrat e parë që shikohen si pasues të portugezit. Tanimë janë disa emra në listë, me Ibrën që pëlqen Edin Terzic, ish-in e Dortmundit. Një nga profilet është edhe Igor Tudor, ndërkohë që në listë janë edhe Thomas Tuchel e Maurizio Sarri.
