Kryeministri Edi Rama ka njoftuar se Drejtoria e Transportit Rrugor ka vendosur që të bëjë një lehtësim për sektorin e transportit rrugor që është goditur nga pandemia.
Me anë të një statusi në Facebook, Rama njofton se DPSHTRR do të mbulojë 100% taksën vjetore të automjeteve të përdorura për gjithë vitin 2020, për 7,204 mjete.
Drejtoria e Transportit sqaron edhe kategoritë e automjeteve që përfitojnë nga mbulimi i kësaj takse për vitin 2020, ndërsa për ata që i kanë paguar do të kompensohen në momentin e pagesës së TVMP pasardhëse, pra vitin tjetër.
Mësohet se nga kjo paketë do të përfitojnë autobusat 8+1, transporti qytetas e rrethqytetas dhe po ashtu të përjashtuar nga taksat janë dhe mjetet e transportit ndërqytetas, shërbimet e transprorit të turistëve etj.
Më herët ditën e sotme, Kujtim Mema, kryetari i shoqatës së Transportit të Udhëtarëve Ndërqytetas u shpreh në një intervistë se nëse qeveria nuk ndërhyn me masa lehtësuese te taksat apo nafta, atëherë janë të detyruar që të rrisin me 30% çmimin e biletës.
Ai e konsideroi të pamundur përballimin e qarkullimit me gjysmë kapaciteti sipas masave të reja që pritet që të vendosen në protokoll, pasi i çon drejt falimentimit.
Statusi i plotë
MINISTRIA E INFRASTRUKTURËS DHE ENERGJISË, SJELL NJË SHEMBULL TË SHKËLQYER SOLIDARITETI NGA DPSHTRR PËR SEKTORIN E TRANSPORTIT RRUGOR TË PASAGJERËVE NJË RAST I BUKUR KU NJË ENT PUBLIK ME VETËFINANCIM, NISUR DHE NGA REZULTATET E MiRA PËR 2019-ën OFRON, NGA TË ARDHURAT E VETA TË AKUMULUARA, TË MBULOJË 100% TAKSËN VJETORE (TVMP), PËR GJITHË VITIN 2020, PËR 7,204 MJETE! NGA KJO PAKETË SOLIDARE E DPSHTRR-së NË VLERËN 170,194,500 LEKË PËRFITOJNË 7,204 MJETE TË KATEGORISË: AUTOBUS (MBI 8+1), TRANSPORT QYTETËS, TRANSPORT RRETHQYTETËS,TRANSPORT NDËRQYTETËS,SHËRBIME TË RASTIT (TURISTIK BRENDA E JASHTË VENDIT)NDËRKOMBËTAR TË RREGULLT, TRANSPORT PËR PERSONELE, TRANSPORT PËR LLOGARI TË SUBJEKTEVE BRENDA E JASHTË VENDIT!
KY AKT MBËSHTET NJËKOHËSISHT SUBJEKTET E LARTPËRMENDURA, BUXHETIN E SHTETIT DHE DIREKT BASHKITË! INSTITUCIONET PËRGJEGJËSE DO TË MUNDËSOJNË QË BRENDA MAJIT KJO PAKETË TË HYJË NË FUQI!PS: ATA QË I KANË PAGUAR, DO TË KOMPENSOHEN NË MOMENTIN E PAGESËS SË TVMP PASARDHËSE! #ShqipëriaQëDuam #Respekt
https://www.facebook.com/138734771522/posts/10157732172116523/
