Ditën e sotme ka nisur protesta për vrasjen e e 8-vjeçarit Mateo Vasiu më 16- nëntor të vitit 2021.
Protesta ka nisur në para dyerve të paraburgimit të Vlorës, aty ku po mbahet dhe vrasësi i 8-vjeçarit Mateo Vasiu.
Protesta para ambienteve të paraburgimit ka zgjatur për disa minuta, ku familjarët kanë tentuar të shqyejnë portën dhe të futen brenda, por që nuk kanë mundur.
Nisur nga revoltimi i familjarëve janë shtuar dhe forcat e policisë, të cilët u kanë bërë rezistencë familjarëve.
Të afërmit e të miturit, kanë kërkuar që të nxjerrin jashtë burgut Çalamanin dhe ta varin. Më pas të afërmit së bashku me qytetarët i janë drejtaur qendrës së Vlorës ku dhe do vijojnë protestën, ku kërkojnë drejtësi për të miturin.
Ndërkohë ata mbajnë pankarta në duar, ku shkruhet “Kërkojmë drejtësi”. Familjarët e Mateos janë acaruar para burgut ku ndodhet i izoluar autori, dhe kanë nisur të gjuajnë me gurë ndaj policisë së burgjeve, pasi ata nuk i lejonin të hynin brenda.
Ngjarja e rëndë ndodhi më 16 nëntor, në fshatin Grecalli të Fierit, ku 38-vjeçari rrëmbeu, vra dhe groposi 8-vjeçarin. Çalamani i cili është cilësuar si “Monstra e Fierit, e vrau 8-vjeçarin duke e goditur me kazmë në kokë e më e pas e varrosi në oborrin e banesës 8 vjeçarin Mateo Vasiu, pamja e fundit e të cilit do të mbetet kjo xhiro me biçikletë.
