Edhe pse mbante një detyrë shtetërore në vartësi të Ministrisë së Kulturës, regjisori Kiço Londo, doli në fund kundër prishjes së Teatrit Kombëtar, duke mbajtur edhe qëndrim pro protestuesve.
Por kjo gjë duket se ka “firmosur” e thyerjen e raporteve të tij me “Rilindjen”, si ka bërë që ai sot të shkarkohet nga detyra e drejtorit të Teatrit Kombëtar Eksperimental “Kujtim Spahivogli”.
Qeveria e ka shkarkuar drejtorin Londo me anë të një VKM-je që mban firmën e Zv.kryeministrit Erion Braçe, dhe që është bërë pas një propozime të ministres së Kulturës, Margariti.
Por në vend të Londos, në këtë post qeveria ka “shpërblyer” duke emëruar si drejtor ish-regjisorin e “Portokallisë”, Altin Basha, i cili e ndryshoi disa herë qëndrimin e tij për prishjen e godinës së “TK”-së, dhe në fund iu bashkua asaj të qeverisë dhe Bashkisë Tiranë.
Teatri Kombëtar Eksperimental “Kujtim Spahivogli” është krijuar në vitin 2014 dhe është pjesë e Teatrit Kombëtar, i cili ka zëvendësuar Teatrin e Komedisë, ndërsa ndodhej në të njëjtën ndërtesë me “TK”, e cila u shemb në muajin maj.
Vendimi i Këshillit të Ministrave:
PËR LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL “KUJTIM SPAHIVOGLI”
Në mbështetje pikës 2, të nenit 100, të Kushtetutës, dhe të pikës 3, të nenit 9, të ligjit nr. 10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës,
Këshilli i Ministrave
Për më shumë bëhu pjesë e grupit më viral në Facebook, Dosja.al
VENDOSI:
- Z. Kiço Londo, drejtor i Teatrit Kombëtar Eksperimental “Kujtim Spahivogli”, lirohet nga kjo detyrë.
- Z. Altin Basha emërohet drejtor i Teatrit Kombëtar Eksperimental “Kujtim Spahivogli”.
Ky vendim hyn në fuqi menjëherë.
ZËVENDËSKRYEMINISTËR
Erion Braçe
/GazetaReforma.com/
