Një nga deputetët e rinj që do të hyjë sot në parlament pasi nuk refuzoi mandatin, do të jetë edhe Ylli Shehu, duke dalë kështu kundër vendimit të Lëvizjes Socialiste për Integrim.
Shehu zëvendëson Floida Kërpaçin, dhe vjen nga lista shumë emërore e LSI-së.
Shehu në një prononcim për mediat, pak para se të hynte në parlament tha se e pranoi mandatin pasi nuk mund të tradhtojë votuesit e tij, ndërsa theksoi se do jetë në opozitë me qeverinë.
“Nuk mund të tradhtoj votuesit e mi. Do jem në opozitë me qeverinë. Nuk mund të quhem tradhtar, sepse nuk i tradhtoj votuesit e mi që më zgjodhën në 2013 dhe 2017”- tha Shehu.
