Ndërkohë që prej ditësh kreu i grupit parlamentar të PS, Taulant Balla, si dhe kryebashkiaku i Tiranës Veliaj kanë akuzuar kreun e PD-së, Lulzim Basha se ka përfituar një makinë luksoze tip “Mercedes Benz S350” nga kompania ‘Viktoria Invest’ në këmbim të mbylljes dhe sabotimit të protestës së “Astirit”, një dokument i ri që vërteton këtë gjë është bërë publik në media.
Kompania “Viktoria Invest” ishte ngarkuar për të bërë punimet në segmentin e Unazës së Re, punime për të cilat opozita doli në protestë së bashku me banorët e ‘Astirit’ për t’i kundërshtuar me akuzat se projekti ishte një aferë korruptive.
Por pas një ‘rezistence’ të gjatë, kryedemokrati Basha urdhëroi të tijët që ta mbyllin protestën si me magji. Sipas Taulant Ballës, sabotimi i protestës së Astirit erdhi pasi Basha u josh me një dhuratë të majme e luksoze, një makinë tip “Mercedes Benz S350” me vlerë rreth 215 mijë euro.
Këtë makinë, dhuratë për kreun e PD-së, ju bë nga kompania e cila po kryente punime në projektin e ‘Unazës së Re’, “Viktoria Invest” .
Nga dokumenti i siguruar, del në pah Leja e Qarkullimit të makinës, ku vërtetohet se makina Mercedes Benz, Tipi: 221, Modeli: S 350, Nr. VIN: WDD2211581A293860, dhe me targë AA 111 EN, më së pari ka ndërruar targë dhe ajo rezulton në Elbasan dhe jo në Durrës siç deklaron Lulzim Basha. Targa e mëparshme ka qenë EL 3870 C, pra e regjistruar në Elbasan./ GazetaReforma.com
