Situata e shëndetësisë në vendin tonë është në kushte alarmante, teksa pacientët janë shpesh herë në mëshirë të fatit. Një baba shumë i revoltuar nga fakti që stafi i spitalit pedriatrik shfaq sjellje të papërgjegjeshme në raport me pacientët, ka denoncuar rastin e tij për “Top Channel”.
Ai pohuar se e ka dërguar fëmijën e sëmurë në spital që prej mbrëmjes se djeshme dhe ndonëse asnjë mjek nuk e ka kapur me dorë, sot infermierja i ka kërkuar të kthehet në shtëpi.
Babai denoncues i rastit thotë se infermierja i ka thënë që nuk ia viziton dot djalin për shkak se ka vdekur një tjetër fëmijë.
“E kam sjellë fëmijën që dje në darkë. Zonja infermiere as e ka vizituar, asgjë, më thotë merre çoje në shtëpi sepse këtu ka vdekur një fëmijë thotë dhe kemi problem ta vizitojmë. Nuk i ka bërë asgjë, as gjilpërë, as serum, më bën edhe kërcënim, lajmëro policinë thotë”, shprehet qytetari në gjendje të dëshpëruar.
Gjithashtu ai tregoi edhe një video që i ka bërë njërës prej doktoreshave, të cilën e ndjek nga pas, e vë në dijeni se ka sjellë djalin e sëmurë e nuk po i bëhet shërbim, ndërkohë doktoresha ikën me vrap.
