Janë bërë publike disa mesazhe të administratorit të gurores së Rrajave, Alfred Karaj me anëtarët e familjes Maja, një ditë para sulmit barbar. Kujtojmë se ishin bërë denoncime dhe protesta nga këta të fundit për guroren që po iu shkaktonte dëme në banesë për shkak të shpërthimeve me eksploziv.
Është një bisedë mes Andi Majës, djali i xhaxhait të dy personave të dhunuar Bilbil dhe Jashar Majës dhe Alfred Karajt ku kuptohet qartë kërcënimi dhe paralajmërimi që Karaj i bënte fisit Maja.
Pjesë nga biseda:
Alfred Karaj: Nuk e njof presionin un ta harrosh, e kam çun ë polici dhe afatin që më dhe mbrëmë deri në orën 10. Gjob nuk mundesh me vendos.
Andi Maja: Kush të ka vendos gjobë. Ti shtëpinë time nuk e shëmb dot.
Alfred Karaj: Do takohemi bashkë pa merak dhe do më njohësh.
Kujtojmë se kanë kaluar 5 ditë nga dhuna barbare ndaj 2 prej banorëve të Borizanës, dy vëllezërit e deputetit Rrahman Rraja dhe djali i tij janë ende në kërkim për ngjarjen.
Video tronditëse e dhunimit të anëtarëve të fisit Maja u bë publike, në media solli reagime të forta, nga riorganizim të policisë vendore, lënia e mandatit të deputetit të partisë socialiste Rrahman Rraja tek shkarkimi i ministrit të brendshëm Bledar Çuçi.
