Mediat greke kanë zbuluar detaje të reja në lidhje me operacionin në det, ndaj gomoneve, që po tentonin të transportonin drogë drejt Turqisë.
Sipas “Kathimerini”, trafikantët do të shkëmbënin hashashin e nisur nga Shqipëria me heroinë.
Deri më tani janë arrestuar dy shqiptarë dhe një italian, të cilët ndodheshin në njërën prej gomoneve.
Ata u identifikuan nga autoritetet portale, ndërsa u ndoqën nga një nëndetëse, si dhe nga ajri me helikopterë.
Gomonia është ankoruar pranë brigjeve të Mitilinit, mirëpo në bordin e saj nuk kishte drogë.
Dyshohet se trafikantët e kanë hedhur heroinën në det, gjatë kohës që ishin në ndjekje.
Hetimi filloi nga Drejtoria e Antidrogës, e cila kishte marrë informata se dy gomone me hashash ishin nisur nga Shqipëria, dhe do ta shkëmbenin lëndën narkotike me heroinë në Turqi.
Rojet bregdetare lejuan që gomonia të merrte ngarkesën me heroinë dhe më pas kur është futur sërish në ujrat greke, ka nisur ndjekja.
Ndërkohë gomonia e dytë është ende në kërkim.
Artikullin origjinal mund ta lexoni këtu.
