Ditën e sotme, Ministrja e Shëndetësisë dhe Mirëqenies Sociale, Ogerta Manastirliu është shprehur se disa masa administrative do të forcohen në lidhje me konsumin e duhanit.
Së shpejti pritet miratimi në Kuvend për ligjin mbi ndalimin e konsumit të duhanit në ambiente publike. Në ligj parashtrohen limite për nikotinën e cigares ekletronike dhe forcimi i masave për marketingun e duhanit.
Ky ligj parashikon:
Do ndalohet shitja e cigareve me numër të reduktuar dhe do ndalohet konsumi i tyre në ambient publik.
Cigaret elektronike do të ndalohen në ambientet publike.
Ndalohet shitja e cigareve elektronike nën 18 vjeç.
Ministrja Manastirliu u shpreh:
“Synojmë forcimin e kontrollit të duhanit. Forcim të masave administrative për shkeljet.”
Gjithashtu pak kohë më parë Manastirliu njoftoi se cigaret elektronike e shisha/nargjilet, nuk do të lejohen të pihen në ambiente të mbyllura.
Do të hiqen nga tregu paketat me 10 cigare, e po ashtu nuk do të lejohet të tregtohen më cigaret që janë tërheqëse për të rinjtë, me shije të ndryshme.
Ligji përcakton se nëse një subjekt e shkel dy herë brenda dy muajve, gjoba do të jetë dyfishi i gjobës së parë dhe nëse përsërit të njëjtën shkelje brenda një afati 1-vjeçar, gjobitet me 6-fishin e gjobës dhe i pezullohet aktiviteti tregtar dhe ekonomik.
