Zgjedhjet për kryetarin e ri të PD, do të mbahen më 22 maj, dhe deri në këtë datë interesat e partisë do të drejtohen nga Komisioni i rithemelimit.
Ndërkohë që Agron Shehaj dhe Fatbardh Kadilli kanë deklaruar mbrëmjen e sotme në “Opinion” se asnjëri prej tyre nuk do të kandidonte përballë Berishës në zgjedhjet e 22 majit për kreun e PD.
Vlen të përmendim se Shehaj dhe Kadilli kanë kandiduar përballë Bashës për zgjedhjet e mbajtura brenda PD në datën 13 qershor të vitit 2021 për kreun e partisë, pas humbjes që PD pësoi në 25 Prill.
Blendi Fevziu- Fatbardh Kadillit: Të të prezantoj si kandidat i përjetshëm për kryetar?
Fatbardh Kadilli: Nga sfida nuk heq dorë kurrë, por në këtë rast nuk ka garë.
Blendi Fevziu: Si nuk ka garë, nuk do të marrësh pjesë në këto zgjedhje?
Fatbardh Kadilli: Jo, në këto zgjedhje jo.
Blendi Fevziu: Por më ke thënë se do të marr pjesë në studio?
Fatbardh Kadilli: Të kam thënë se mbetem gjithmonë i vendosur që sfidën për ndryshimin dhe drejtimin e PD-së të mos heq dorë kurrë.
Blendi Fevziu: Nuk do të jesh kandidat për kryetar?
Fatbardh Kadilli: Në këtë rast jo sepse nuk ka garë.
Blendi Fevziu: Pra, më 22 Maj nuk do të kandidosh?
Fatbardh Kadilli: Jo, nuk do të jem në garë në datën 22 Maj.
Blendi Fevziu- Agron Shehajt: Do të kandidosh kësaj here?
Agron Shehaj: Jo.
Blendi Fevziu: Nuk kandidon as ti? E vendosur?
Agron Shehaj: Po, po e vendosur.
