Kryeministri Edi Rama, ditën e sotme ka inspektuar nga afër ambientet e ish- kirurgjisë në QSUT që tashmë janë shndërruar në një spital Covid-3.
Gjithashtu kryeministri ka zhvilluar edhe një konferencë me gazetarët.
Në këtë konferencë Rama ka folur edhe për hapjen e kufijve detarë dhe ajrorë.
Përsa i përket personave që hyjnë në Shqipëri, Rama u shpreh se nuk do të ketë as procedurë karantinimi dhe as kryerje të tamponit.
Këtë procedurë, kryeministri Rama e ka cilësuar të kotë fare, pasi do të ishte edhe e pamundur.
Sipas tij, nuk mund t’i mbajmë njerëzit të mbyllur dhe të tamponojmë gjithë dynjanë.
“Ne s’do bëjmë as tampona as detyrime për karantinim të atyre që hyjnë, është e kotë, komplet e kotë.
Kemi parë edhe se si Greqia ka relaksuar planin sepse është e pamundur.
Ti hapesh kur do turizëm dhe pastaj ca do bësh, do i mbash njerëzit mbyllur e do tamponosh gjithë dynjanë?
Se ti do e bësh testin, por e kemi thënë, ai është në fazën e intubimit, testi nuk e kap”, u shpreh kryeministri Edi Rama ditën e sotme.
