Kundër shembjes së shtëpive të tyre, të cilat preken nga procesi i rindërtimit, banorët tëk lagjia e “5 Maji” në Tiranë janë aktivizuar sërish në protestë.
Banorët shprehen për “Fax News” se do t’i mbrojnë me gjak shtëpitë e tyre dhe që qeveria dhe institucionet përkatëse të mos i marrin të mirëqene se ato janë të urtë dhe do t’i pranojnë padrejtësitë pa vepruar.
‘Nuk kisha pa shtet që të marrë masa për popullin e vet, Erdogan i futi në shtëpi ata të tërmetit këta të nxjerrin nga shtëpia jote pa asnjë lloj kontrate.’
-Pse të bëj kontratë paraprake, ç’ është ky muhabet ta kam dhuru, kjo është super grabitje si pastrim parash. Ne nuk jemi Zvicër. Ku i gjen shteti këto lekë se Europa nuk po u jep.
-Duhet të rrethojmë bashkinë e ti fusim zjarrin me dokumente.
-Mos të mendojë që jemi të urtë, të sjellë noterin të caktojë shtëpinë dhe të caktojë metrat. Me gjak do e mbrojmë.
-Po bëjnë mafiozlliqe që të na shkelin me këmbë.
Kujtojmë se nesër është afati i fundit që të lirohen banesat sipas njoftimit të Bashkisë së Tiranës. Protestat te “5 Maji” në Tiranë kanë nisur prej disa muajsh nga banorët të cilët janë kundër shembjes së shtëpive të tyre që preken nga procesi i rindërtimit për zhvillimin e zonës së re, siç përcaktohet në vendimin që Këshilli i Ministrave ka marrë më 22 shtator të këtij viti.
