Përgjatë protestës së ditës së djeshme të organizuar nga ish-kryeministri Sali Berisha, në bulevardin “Dëshmorët e Kombit”, para Kryeministrisë, janë djegur katër flamuj kombëtar të Serbisë.
Kryeministri i serbisë Vuçiç ka reaguar në lidhje me ngjarjen e djeshme dhe është shprehur se e konsideron të papranueshme.
Ai theksoi se marrëveshjet që do të nënshkruhen në Tiranë janë bërthama e diçkaje që do të bëjë që kjo pjesë e Evropës të jetë në thelb pa kufij. “E di që shumica e njerëzve janë të interesuar për atë që do të them për djegien e flamujve dhe se kjo mund të jetë e vetmja gjë që do t’i bëjë ata të ndihen emocionalë. Por kur shikohet në mënyrë racionale, duhet të shikojmë nga e ardhmja dhe të kuptojmë se kur zemërohen, kur u djegim flamujt, dhe kjo ishte para ardhjes së Edi Ramës në Serbi. Kjo ndodhi këtu mbrëmë dhe nuk do të hyj në arsyet e tyre të brendshme partiake. Por sigurisht që është e papranueshme përdhosja e simboleve dhe mendoj se Shqipëria reagoi me shpejtësi, seriozitet dhe përgjegjësi dhe vetë kryeministri Rama”, ka thënë Vuçiç.
Gjithashtu kreu i shtetit Serb e ka konsideruar “Ballkanin e Hapur” një ide të shkëlqyer, që do të forcohet. “Sot ne po nënshkruajmë një marrëveshje për lejet e punës”. Ai thekson se Ballkani me nismën e re do të jetë më tërheqës për investitorët, sepse nëse i mungojnë punëtorët në Kumanovë, ai do të mund të llogarisë në çdo vend në Serbi ku mund të marrë punëtorë. “Njerëzit do të lëvizin shumë më tepër, do të kenë mundësi për biznes dhe bashkëpunim”, ka thënë Presidenti serb.
Kujtojmë që në nismën e Ballkanit të Hapur deri më tani janë të përfshira vetëm Serbia, Shqipëria dhe Maqedonia e Veriut.
