Ish-kryeministri Sali Berisha ndodhet sot në qytetin e Korçës, ku po mban foltoren e tij të radhës, ndërsa është surprizuar nga mbështetësit me rastin e ditëlindjes. Ata fillimisht kanë kënduar këngën e ditëlindjes dhe më pas Berisha i fyru qirinjve me numrin 77. Atij iu dhurua edhe një buqetë me trëndafila blu, ndërsa falenderoi qytetarët për surprizën.
Berisha u shpreh se kaloi ditëlindjen më të bukur të jetës dhe shtoi se ka shkuar në Korçë për të biseduar për situatën kritike ku ndodhet Shqipëria.
“Të dashur demokratë dhe drejtues të PD në qarkun e Korçës, së pari dëshirojë të përulem me nderimin më të madh para banorëve dhe qytetarëve të kësaj treve për rolin e tyre të jashtëzakonshëm në historinë tonë kombëtare, të dijes, të pushkës, të mendjes dhe çdo shqiptar ushqen për Korçën dhe trevat e kësaj zone adminrimin dhe mirënjohjen e pakufijshme. Dhurata të pafundme i kanë bërë burrat dhe gratë e Korçës ndaj Shqipërisë.
Më bënë një dhuratë që kurrë nuk do ta harroj. Pata ditëlindjen më të bukur të jetës time më ju dhe ju falenderoj shumë. Unë kam ardhur tek ju për të biseduar me ju për një situatë kritike ku ndodhet Shqopëria dhe këtë nuk e themi ne për propagandë por e themi se 8 vitet që kaluan ishin vitet më të mbrapështa në këtë vend”, tha Berisha.
