Banorët e Rinasitnuk ndalen! Ata po protestojnë për të tretën ditë, për shkak të devijimit të rrugës.
Qeveria ka vendosur për të devijuar lëvizjen drejt Aeroportit të Rinasit, duke e kthyer me një sens lëvizje, me drejtim nga Qafë Kashari-Rrethrrotullimi i “Nënë Terezës”-Ahmetaq.
Banorët kanë bllokuar ditën e sotme rrethrrotullimin pranë aeroportit “Nënë Tereza”, në shenjë proteste pas kthimit me një sens lëvizjeje të këtij aksi.
Ata kërkojnë që vendimi i ARRSH të anulohet, pasi është duke shkaktuar shumë problematika në aktivitet e tyre të përditshme. Ata shprehen se për të dërguar fëmijët në shkollë tani u duhen 2 orë kohë, ndërsa shtojnë se kanë të pamundur aksesimin e qendrave mjekësore, marketeve apo dhe varrezave. Vlen të përmendim se kësaj proteste sot i janë bashkuar edhe fëmijët, të cilët nuk kanë shkuar dot në shkollë dhe u janë bashkuar prindërve për të kërkuar kthimin e rrugës me dy sense si më parë.
“Kjo është mos me t’lon me shku te shpia. Është rast unik, jam 50 vjeç e se kam dëgjuar ndonjëherë këtë. ARRSH s’ka pyetur asnjë para vendimit, jemi zgjuar në mëngjes dhe kemi parë tabelat bllokuese. Kemi protestuar në qendër më parë, sot kemi dalë tek rrethrrotullimi dhe do qëndrojmë çdo ditë këtu sepse s’kemi çfarë bëjmë. ARRSH nuk ka pasur asnjë reagim”, shprehet qytetari për “News 24”.
