Prej gjashtë ditësh, zjarret në Bashkinë Finiq nuk ndalen dhe situata po përkeqësohet. Flakët nisën në malet e Dhrovjanit dhe prej aty u përhapën në fshatra të ndryshëm si Livinë, Krongj, Velahovë dhe sot në Ardhasovë.
Në Krongj, flakët dogjën kishën e fshatit dhe banorët u evakuuan për siguri. Ndërsa në Livinë dhe Velahovë janë djegur disa shtëpi. Era dhe temperaturat e larta po e bëjnë zjarri më të rrezikshëm dhe të vështirë për t’u kontrolluar.
Për të ndihmuar në shuarje, mbi zonat e prekura po veprojnë një hidroplan dhe disa helikopterë zjarrfikës, të cilët hedhën ujë mbi flakët, duke mbrojtur banesat dhe pyjet.
Vatrat kryesore janë në zonën mes Krongjit dhe Dhrovjanit, ku zjarrfikësit dhe strukturat e emergjencës po punojnë për izolimin e zjarrit. Sot është shfaqur një vatër e re pranë fshatit Krane.
Në Sarandë, pavarësisht largësisë nga zjarret, tymi ka ndotur ajrin dhe ka krijuar vështirësi në cilësinë e tij. Rruga nacionale Muzinë-Jergucat është bllokuar për shkak të afërsisë së flakëve pranë Dhrovjanit dhe ish-minierës së Kripës.
Autoritetet monitorojnë me kujdes Parkun Natyror “Syri i Kaltër” dhe po marrin masa për ta mbrojtur nga zjarri.
