Ndërkohë që grevistët kanë hyrë në ditën e 12-të të grevës, gjendja e tyre është përkeqësuar ndërsa kreu i Sindikatës, Sokol Dautaj, është dërguar me urgjencë në spitalin e qytetit.
Mësohet se gjendja e tij shëndetësore është përkeqësuar, pasi ka patur edhe luhatje tensioni, e si pasojë dërgimi në spital ka qenë i detyrueshëm.
Kujtojmë se sot është dita e 12-të e grevës së urisë së naftëtarëve të Ballshit, dhe këta të fundit kanë ndërmarrë masa ekstreme duke u ngujuar brenda në Uzinë dhe kanë mbyllur derën me zinxhir, duke mos lejuar brenda as mjekët dhe as mediat.
“Do të mbyllim dyert e mjediseve ku bëhet greva. Nuk ka asnjë reagim. Jemi të rënduar. Këtu nuk ka shoë. Nga ky komente, nuk do të pranojmë më as shërbim shëndetësor. As media. Do të fikim telefonat. Edhe ujin do ta ndërpresim. Do të kyçim dyer. Vetëm me barrela do dalim që këtu”, u shpreh djekreu i Sindikatës së Bashkuar të Naftëtarëve, Sokol Dautaj.
