Dita ndërkombëtare e Lirisë së Shtypit, ka qenë sërish një motiv për të ndarë dy forcat politike më të mëdha në vend. I pari që reagoi ishte kryedemokrati Lulzim Basha, i cili tha se mediat dhe gazetarët në Shqipëri janë më pak të lira se më parë, e ndërsa premtoi se me ardhjen e tij në pushtet kjo gjë do të ndryshojë. Pak pas statusit të Bashës për lirinë e medias ku shprehej se gazetaret pa liri janë si një vend pa zgjedhje të lira, ka reaguar edhe kryeministri Edi Rama. Ai shkruan se dita e gjykimit do të vijë në 2021 me votë.
Kur nuk kaluan as 60 sekonda, kryeministri Edi Rama, me një reagim të shkurtër, e ka cilësuar deklaratën e Bashës për lirinë e medias, si një komedi të zymtë, pasi sipas tij vjen nga personi që ka rrahur dhe ka shantazuar deri më tani gazetarët.
“Ç’komedi e zymtë me djegësit, rrahësit e shantazhuesit e deridjeshëm të gazetave, gazetarëve e mediave që flasin në emër të lirisë së tyre! Po shyqyr ka gjykatës për të gjithë dhe për të gjithë sa bëhen e thuhen, vjen dita e gjykimit me votë. Pa merak, vonon po nuk harron 2012-shi…,”- shkruan kryeministri Edi Rama.
