Rodolfo Corazzo, argjendari, i cili disa vite më parë vrau një shqiptar është zgjedhur kryebashkiak i Rodanos në Itali. Raportohet se ai arriti që të mundte me pak vota kundërshtarin përballë tij në garë dhe të merrte postin. 68-vjeçari e vrau shqiptarin, pasi ky i fundit ishte arratisur nga burgu dhe kishte tentuar të grabiste banesën e tij. Corazzo e ka pikasur dhe sipas autoriteteve e ka qëlluar në kushtet e vetëmbrojtjes.
Gjatë fjalës së tij për mediat italiane, Corazzo tha se në fokus të tij do të jetë siguria. Këtu ai u ndal dhe tek ngjarja e regjistruar disa vite më parë. Sipas tij, ajo që ndodhi familjes së tij nuk do të përsëritet më në qytetin e Rodanos.
“Ajo që më ndodhi, më rrëmbyen gruan dhe vajzën në shtëpi, më kërcënuan me armë, nuk do të ndodhë më në Rodano. Ishte një rast i improvizuar, i shkëputur nga realiteti ynë, që nuk do të përsëritet më. Ne duam t’i shpallim luftë vjedhjeve, për fat të mirë ata nuk kanë lidhje me atë që na ka ndodhur, por si ndihesh kur dikush prek gjërat e tua, cenon privatësinë tënde, është e tmerrshme”, tha ai.
