Në vendin tonë janë ende aktive disa vatra zjarri. Ministri i Mbrojtjes, Niko Peleshi me anë të një postimi në rrjetet sociale është shprehur se ato janë vendosur nën kontroll dhe se nuk përbëjnë rrezik për zonat e banuar.
Peleshi ndër të tjera ka shkruar se veç ndërhyrjes nga ajri, vijojnë ende punën në terren Forcat e Armatosura dhe ato të sistemit të mbrojtjes civile.
“Veç ndërhyrjes nga ajri, Forcat e Armatosura dhe ato të sistemit të mbrojtjes civile vijojnë punën në terren për eliminimin e plotë të vatrave.”, ka shkruar Niko Peleshi.
Ministri i Mbrojtjes ka theksuar gjithashtu se roli i pushtetit vendor në informimin dhe reagimin në kohë mbetet thelbësor.
Njoftimi i plotë i Niko Peleshit
Zjarret vijojnë të mbeten aktive në vend, por të gjitha janë nën kontroll të plotë dhe pa rrezik për zonat e banuara. Veç ndërhyrjes nga ajri, Forcat e Armatosura dhe ato të sistemit të mbrojtjes civile vijojnë punën në terren për eliminimin e plotë të vatrave.
Megjithatë, roli i pushtetit vendor në informimin dhe reagimin në kohë mbetet thelbësor.
Kujtojmë se vendiynë prej ditësh ndodhet nën pushtetin e flakëve, për momentin janë aktive disa vatra zjarri nga veriu në jug të vendit, ku më problematikja ka qenë Maja e Rrunës, për shkak edhe të terrenit të vështir të zonës.
