Komisioni Qendror i Zgjedhjeve ka punlikuar shifrat e pjesëmarrjes në votime deri në orën 17:00 në gjithë vendin tonë. Sipas informacionit zyrtar, pjesëmarrja deri në 17:00 ¡shtë 43.56% në rang vendi. Ndërkohë ashtu si edhe pak orë më parë Dibra me Tiranën janë dy qarqet me numrin më të lartë të votuesve, konkretisht me 49.63 dhe 49.30 %.
E fundit është Vlora që raporton një pjesëmarrje të ulët të votuesve. Ndërkohë kujtojmë se në Vlorë kandidon edhe kryeminstri Edi Rama, i cili ka votuar që në orët e para të mëngjesit në Surrel. Janë 1878 Qendra Votimi që kanë raportuar nga 5199 në total.
Ndërsa në qarqet e tjera, pjesëmarrja është:
Berat – 41.10 %,
Durrës – 42.31 %,
Elbasan – 44.52 %
Fier – 41.20 %
Gjirokastër – 39.24 %
Korcë – 41.78 %
Kukës – 45.43 %
Lezhë – 41.28 %
Shkodër – 38.11 %
Vlorë – 31.67 %
Procesi ka vijuar i qetë si në bashki ashtu dhe në njësitë administrative. Problem ka pasur vetëm disa herë me identifikuesin biometrik e cila ka sjellë vonesa në procesin e votimit ne disa qendra votimi.
Në këto zgjedhje po përdoret për herë të parë pajisja për identifikimin elektronik të votuesve dhe gjithashtu qendrat e votimit do të jenë të vrojtuara me kamera. Ambasadorët dhe përfaqësuesit e institucioneve ndërkombëtare kanë bërë vazhdimisht thirrje për vetëpërmbajtje nga ana e liderve të partive politike dhe i kanë kërkuar që të tregojnë maturi dhe durim.
