Numërimi i votave të diasporës vijon, dhe sipas të dhënave më të fundit të publikuara nga Komisioni Qendror i Zgjedhjeve, janë hapur 121.985 zarfe nga gjithsej 194.889 që kanë mbërritur.
Deri në këtë fazë të numërimit, Partia Socialiste kryeson me 65.327 vota, që përfaqësojnë 54.07% të totalit.
Ndërkohë, koalicioni Partia Demokratike – Aleanca për Shqipërinë Madhështore ka grumbulluar 34.093 vota, ose 28.22%.
Forca e tretë më e votuar nga diaspora rezulton të jetë koalicioni “Nisma Shqipëria Bëhet”, me 10.078 vota, që përbëjnë 8.34% të totalit të deritanishëm. Numërimi vazhdon.
