Marrëdhënia Kosovë- Serbi dhe ndërprerja e dialogut ka shqetësuar shumë sidomos Shtetet e Bashkuara të Amerikës, durimit të së cilës duket se po i vjen fundi.
Ka qenë ambasadori amerikan në Kosovë, Philip Kosnerr, ka shprehur përkurshimin e tij për vazhdimin e dialogut mes dy vendeve, gjë e cila nëse nuk ndodh tani, nuk ka për të qenë më.
Të paktën këto kanë qenë fjalët e ambasadorit gjatë një interviste për Radion “Kontakt Plus”, ku konkretisht ka thënë se edhe durimi i tyre ka një kufi.
“Durimi ynë gjithmonë ka kufij. Njëra nga gjërat për të cilat iu kemi treguar dy qeverive, në Prishtinë dhe Beograd është se Shtetet e Bashkuara janë të përkushtuara në ofrimin e përkrahjes për procesin. Presidenti Trump, siç është e njohur, i ka shkruar presidentit Thaçi dhe presidentit Vuçiq, për të nënvizuar se Qeveria Amerikane është plotësisht e përkushtuar në këtë proces”, tha Kosnett.
Kosnett tashmë iu ka tërhequr vëmendjen si Beogradi zyrtar ashtu edhe Prishtinës zyrtare të lëvizin, pasi nëse e lënë për kohë më vonë atëherë edhe Unashnigtoni nuk garanton të jetë kaq i përkushtuar sa tani.
“Ajo që kemi thënë ne, ajo që ka thënë Qeveria Amerikane, është ajo se ne mendojmë që viti 2019 është viti kur Kosova dhe Serbia duhet të arrijnë marrëveshjen gjithëpërfshirëse. E, që të arrihet deri te marrëveshja në vitin 2019 duhet që të gjithë të kthehen në tavolinën e bisedimeve dhe të shikojmë që kjo zhvillohet sa më shpejt që të jetë e mundur. Nuk dëshiroj që procesin ta ndërlidhi me çfarëdo datash të fiksuara”, tha Kosnett.
Ndërkohë që ambasadori flet edhe për bisedimet për bashkimin e Mitrovicës, gjë për të cilën thotë se e kupton që ka shqetësime dhe kërkon kohën e saj dhe i kërkon të dy shteteve mos t’i komplikonin më shumë gjerat
“E kuptoj që ka shqetësime. Mendoj që njerëzit duhet të qetësohen, sepse është me rëndësi që të gjithë të sillemi me përgjegjësi. Kur them të gjithë, prapë mendoj te dy qeveritë. I ftoj qeveritë në Prishtinë dhe atë në Beograd, që të mos ndërmarrin veprime, të cilat do komplikonin më shumë gjendjen”, tha Kosnett.
