Shqipëria është duke kaluar momente të vështira prej pandemisë së koronavirusit, dhe më shumë se çdo sektor në vend këtë vështirësi e ka ndjerë shëndetësia.
Por për fat në vend ekzistojnë edhe biznese apo individë të cilët dinë të bëjnë bamirësinë apo “dhuratën” e duhur në vendin e duhur.
E tillë është edhe ajo e kompanisë “Big Market” e cila ka financuar një vlerë prej 40 mijë eurosh në pajisje të nevojshme për ndërhyrjet kardiake në QSUT.
Ky investim erdhi në një moment mjaft delikat ku vëmendja është tek menaxhimi i situatës me pandeminë, dhe pikërisht “Big Market” dhuroi për shëndetësinë në Shqipëri.
Rrjeti i supermarketeve shqiptare ka mundësuar pajisje moderne për sallën e operacioneve kardiokirurgjikale në QSUT.
Kardiokirurgu Altin Veshti kërkoi nga “Big Market” një mbështetje për të lehtësuar procesin e operacioneve delikate në zemër. Duke marrë parasysh emergjencën dhe ndikimin e drejtpërdrejtë në jetën e qytetarëve shqiptar, “Big Market” financoi në një vlerë 40 mijë euro pajisjet e nevojshme për ndërhyrjet kardiake. Duke plotësuar kërkesën e doktorit Altin Veshti.
Edhe pse në kohë pandemie “Big Market” garantoi transformimin e sallës së operacioneve kardiokirurgjikale në QSUT, në një kohë rekord, duke u konsultuar me profesionistët më të mirë të mjekësisë dhe me kompanitë prestigjoze të pajisjeve spitalore si “Global Share”.
Salla është gati për pacientët fëmijë dhe deri tek më të rriturit. “Big Market” është përherë pranë qytetarëve shqiptarë me solidaritet.
/GazetaReforma.com/
