Gjykata e Tiranës ka vendosur që tre anëtarët e fisit Rraja t’iu jepet masa ‘arrest shtëpie’. Andi Rraja, Indeid Rraja dhe Eni Kullaj, janë ndër personat e akuzuar se dhunuan barbarisht dy kushërinjtë e fisit Maja në Fushë-Krujë.
Dy pjesëtarët e fisit Maja ishin ankuar se shtëpitë e tyre ishin dëmtuar për shkak të punimeve të gurores së vëllezërve Rraja, në fshatin Borizanë.
Bëhet me dije se masa e sigurisë “arrest në burg” ndaj familajrëve të ish-deputetit socialist, Rrahman Rraja është shuar për shkak të tejkalimit të afateve, e për këtë arsye, gjykata caktoi “arrest shtëpie”.
Në konfliktin që bëri bujë disa muaj më parë, u përfshinë edhe 6 anëtarë të tjerë të fisit Rraja të cilët u shpallën në kërkim.
Gjithashtu kujtojmë se nga kjo ngjarje shumë nga krerët e komisariatit të Fushë-Krujës u pushuan nga puna për shkak se nuk kishin zbatuar ligjin.
