Drejtoresha e Spitalit Rajonal Dibër, Irini Shehu, është shkarkuar nga posti i saj pasi ka dhunuar shefin e financës të spitalit, Shaban Uklala.
Ngjarja ka ndodhur më 11 shkurt 2025, gjatë një debati mes drejtoreshës dhe shefit të financës, ku Shehu ka goditur Uklalën me një send të fortë në fytyrë, duke i shkaktuar lëndime.
Pas denoncimit të rastit nga Uklala në policinë e Dibrës, çështja është referuar në prokurori dhe është nisur procedimi penal ndaj Shehut, e cila akuzohet për “plagosje të lehtë me dashje”.
Pas këtij incidenti, Irini Shehu është shkarkuar dhe në vend të saj është emëruar Astrit Ademi si drejtor i Spitalit Rajonal Dibër.
Përveç detyrës së drejtoreshës, Shehu mban edhe postin e Kryetares së Këshillit Bashkiak Dibër dhe ka qenë e njohur për përplasjet e saj me vartësit dhe anëtarët e këshillit bashkiak.
