Një vendim ekstrem është marrë për të burgosurin Mikel Thani, që sulmoi dhe bëri për spital gardianin e burgut të Shkodrës. Drejtori i përgjithshëm i Burgjeve, Agim Ismaili ka vendosur që thani të izolohet për tre muaj. Ai do të qëndrojë në regjimin e mbikqyrjes së veçantë.
Në vendimin e Gjykatës së Shkodrës, thuhet se pasi Mikel Thani monitoroi lëvizjet e gardianit Gëzim Rahi, vendosi ta sulmojë duke e qëlluar brutalisht në momentin që ai u afrua pranë qelisë.
Gardiani mori goditje të rënda në pjesën e ballit, syrit dhe hundës, duke përfunduar për kurim në spital.
Mikel Thani u prangos në muajin janar të vitit 2015. I riu ishte fejuar prej një viti me një vajzë që I përkiste familjes Guri, banuese në lagjen Kiras, në Shkodër. Por kjo fejesë u prish dhe Vta Guri, babai i vajzës nuk pranoi që t;ja jepte vajzën Thanit. Kështu, i riu shkoi tek banesa e familjes Guri dhe qëlloi vjehrrën, Gjyste Guri, vjehrrin, Vat Guri, dhe mbesën e tyre, 12 vjeç, pas debatit të fortë që patën.
