Ditën e sotme Gazetarja Besarta Demushi, 24 vjeçe e punësuar pranë FaxNews është dhunuar e goditur nga biznesmeni Tahir Numani, 62 vjeç e kunati i tij A. Z., 50 vjeç, të dy banues në Tiranë. Mësohet se gazetarja Demushi ka qenë në krye të detyrës në momentin që është rrahur e goditur.
Konkretisht ajo ka qenë duke filmuar në rrugën “Hoxha Tahsim” një objekt për të cilin biznesmeni Numani e kunati i tij kishin konflikt pronësi me një person të tretë. Por, siç duket, ata janë ‘bezdisur’ nga filmimet dhe kanë ushtruar dhunë ndaj gazetares.
Vetë gazetarja ka rrëfyer para grupit hetimor se është tërhequr zvarrë nga Numani bashkë me operatorin e të njëjtit televizion, Majklen Sinka. 24-vjeçarja ka treguar se gjithashtu e kanë ofenduar, ndërsa ajo vetë për tu mbrojtur ka përdorur stativin e telefonit. Por, pavarësisht kësaj dëshmie, në njoftimin zyrtar policia e Tiranës bënte me dije se e vetmja masë që është ndërmarrë ndaj dy burrave është ‘procedimi penal’.
Njoftimi i policise
Specialistët për Hetimin e Krimeve në Komisariatin e Policisë Nr. 1 proceduan penalisht shtetasit T. N., 62 vjeç dhe A. Z., 50 vjeç, pasi në rrugën “Hoxha Tahsim”, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare, e cila kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër.
Deshmia e gazetares Besarta Demushaj:
Me kanë tërhequr për të më nxjerr nga objekti së bashku me operatorin Majklen Sinka. Me pas na kanë mbyllur brenda objektit për disa minuta. Kane ushtruar dhune fizike po ashtu edhe ofendime banale. Vazhdimisht kane ushtruar dhune fizike duke na shtyre me force. Per tu vetmbrojtur kam perdorur stativin e telefonit.
