Tashmë është kthyer në një ‘trend’ emërimi në pozicione të larta shtetërore të personave që kanë një të ‘shkuar porfesionale’ me njolla.
Rasti i Klevis Qoses e demonstron më së miri këtë fakt, një person që nën cilësinë e oficerit në sektorin e krimeve të rënda të Tiranës është përfshirë në dhunimin e të burgosurit Erald Ali Mehmeti.
Madje jo vetëm kaq, por Qosja është bërë palë me personat që kanë shtrembëruar provat lidhur me këtë ngjarje të paprecedentë, ku abuzohet qartazi me ushtrimin e detyrës si efektiv policie. Duket se Qose i ka krahët e ngrohta dhe karriget e pushtetit janë gati për të pavarësisht veprimeve të tij aspak profesionale dhe jo në përputhje me ligjin.
Në vitin 2021, ministri i Drejtësisë, Ulsi Manja ka shkarkuar nga detyra drejtorin e Shërbimit të Kontrollit të Brendshëm, në sistemin e burgjeve, Florent Sulçe dhe në vend të tij është emëruar Klevis Qose. Pra aktualisht Klevis Qose pavarësisht të shkuarës së tij më “njolla’ mban postin e drejtorit te Shërbimit të Kontrollit të Brendshëm në Sistemin e Burgjeve, Z. Klevis Qose
Kujtojmë që Erald Alimehmeti, shtetas shqiptaro-amerikan, ka denoncuar dhunën që është ushtruar sipas tij, nga efektivët e Policisë të Komisariatit nr.2 në Tiranë, sepse ishte kapur në rrugë duke lëvizur pa maskë.
29 vjeçari tregon se policët e kanë qëlluar në makinë teksa e shoqëronin në Komisariat. Më pas thotë ai, është futur në një dhomë pa kamera dhe aty të 5 efektivët që e shoqëruan, i gjuanin me radhë, edhe pse ishte i prangosur./Gazeta Reforma
