Ditën e sotme dhomat e Avokatisë Vlorë dhe Shkodër deklaruan se do të vijojnë bojkotin e seancave gjyqësore pas ‘injorimit’ të shqetësimeve të tyre lidhur me miratimine Hartës së re Gjyqësore nga autoritetet vendore. Sipas kësaj dhome do të bojkotohen të gjithë seancat gjyqësore deri më datë 24, ndërsa në datat 21 dhe 22 qershor do të bojkotohen dhe masat e sigurimit personal.
Lajmin e ka bërë të ditur kreu i dhomës së Avokatisë Vlorë, Durim Bajramaj i cili tha se kjo dhomë u mblodh në një takim urgjent në prag të përfundimit të bojkotit të nisur pak ditë më parë në lidhje me këtë çështje.
Bajramaj tha se kètij vendimi i është bashkuar edhe Dhoma e Avokatisë Shkodër.
Bajramaj theksoi sërish keqardhjen se autoritetet vendore por edhe politike nè Vlorë kanë injoruar këtë vendim që i heq institucione të rëndësishme Vlorës.
“Për këtë injorim të deputetëve të qarkut Vlorë, shoqërisë civile, këshillit Bashkiak dhe kryetarit të Bashkisë së Vlorës, Dhoma e Avokatisë ndjehet e keqardhur. Megjithatë dhom avok Vlorë si e vetmja e përkrahësve të qytetarëve Vlonjatë. Ndaj vijojmë me bojkotin deri më 24 qershor. Më datë 21 dhe 22 qershor bojkotojmë dhe masat e sigurimit personal. Deri më tani na mbështet dhoma e avokatisë Shkodër. Presim mbështetje dhe nga dhomat e tjera vendore“, tha Bajramaj në një komunikim për mediat.
