Policia e Shtetit ka dalë me informacion zyrtar lidhur me ngjarjen e rëndë që u regjistrua pak minuta më parë në Elbasan, ku pas një sherri të rinjsh, mbeti i vdekur 28-vjeçari Florenc Kovaçi dhe është plagosur vëllai i tij, Mikeli 19 vjeç.
Të rinjtë që u përleshën me thikë ishin takuar për tu sqaruar për një vajzë. Mësohet se 28-vjeçari Florenc Kovaçi, i vëllai, Mikel Kovaçi kishin lënë takim me një grup të rinjsh për tu sqaruar për një debat në lidhje me një vajzë, por sherri ka degjeneruar në përdorimin e thikave.
Sipas policisë, ngjarja ka ndodhur në lagjen “Qemal Stafa” për motive të dobëta. Policia thotë se po krehin zonën me qëllim kapjen e autorëve. Ndërkohë grupi hetimor ndodhet në vendin e ngjarjes dhe po punon për identifikimin e autorit dhe sqarimin e rrethanave të ngjarjes.
Njoftimi i Policisë:
Elbasan /Informacion paraprak
Më datë 05.11.2021, rreth orës 19:50, në lagjen “Qemal Stafa”, Elbasan, pas një konflikti për motive të dobëta mes dy vëllezërve dhe disa personave të tjerë, konflikti është përshkallzuar dhe për pasojë dy vëllezërit janë plagosur me mjet prerës thikë .
Si pasojë e plagëve të marra njëri prej vëllezërve shtetasi F.K., rreth 28 vjeç, banues në Elbasan ka ndërruar jetë ndërsa vëllai tjetër shtetasi M.K 19 vjeç, ndodhet në spital për ndihmë mjeksore.
Grupi hetimor ndodhet në vendngjarje dhe po punon për identifikimin e autorit dhe sqarimin e rrethanave të ngjarjes.
