Detaje të reja zbardhen nga vetëhedhja e pacientit 60-vjeçar nga spitali Covid-2 “Shefqet Ndroqi”..
Sipas burimeve, i ndjeri quhej Leonard Skabona dhe ishte nga Rrësheni. Ai ishte shtruar tek spitali “Shefqet Ndroqi” prej dhjetë ditësh dhe është hedhur nga kati i tretë i këtij spitali Covid.
Pacienti 60-vjeçar që është hedhur nga kati i tretë i spitalit, ishte i shtruar aty prej 10 ditësh pasi ishte infektuar nga Covid-19.
Mësohet se gjendja e tij shëndetësore ishte e agravuar, çka ka bërë që pacienti nga Rrësheni t’i japë fund jetës në mënyrë tragjike.
Pacienti është hedhur nga dritarja e dhomës së tij, teksa kishte gjetur pikërisht një moment kur lëvizja e mjekëve dhe infermierëve ishte më e reduktuar.
Ndërkohë, policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.
Ky është viktima e pestë që ka kryer aktin e vetëvrasjes deri tani në dy spitalet Covid, “Shefqet Ndroqi” dhe “Infektivi”, brenda një periudhe të shkurtër kohore.
/GazetaReforma.com/
