Një denoncim i rëndë është bërë ditën e sotme nga ish-kryeministri Berisha, i cili ka treguar se mbrëmjen e djeshme ka rënë tavani i njërës prej dhomave në maternitetin “Mbretëresha Geraldinë”.
Në postimin e tij në rrjetin social Facebook, Berisha thotë se të lënduar kanë mbetur disa nëna dhe fëmijë të porsalindur dhe këtë e ka zbuluar përmes një mesazhi nga qytetari dixhital.
Mirëpo burime të Gazeta Reforma nga brenda maternitetit, e kanë konfirmuar ngjarjen, por gjëndja nuk paraqitet e rëndë.
Tërmeti i rënë dy ditë më parë ka shkaktuar plasaritje të lehtë të tavanit të njërës prej dhomave të maternitetit dhe mbrëmjen e djeshme ka rënë pjesa e dëmtuar.
Fatmirësisht vetëm një grua ka marrë një lëndim të lehtë në ballë për shkak se e kishte të pamundur të lëvizte nga krevati dhe aktualisht është në gjendje normale, pasi ka marrë ndihmën e parë nga mjekët.
Megjithatë ende nuk ka një deklaratë publike nga ana e drejtuesve të maternitetit edhe pse drejtoresha, Eliona Demalia është kontaktuar disa herë.
Postimi i plotë i ish- kryeministrit Sali Berisha:
Nje skandal i vertet ne maternitet qe fshihet!
Ndrikull Manasterliu dhe policia fshehin ngjarjen.
Lexoni denoncimin e pacientit dixhital. sb
Mirmbrema z.Berisha , ju informoj se mbrem tek materniteti tek treni esht shembur tavani ne nje dhome me dhe ka zen posht gra e fmij , dhe vendi esht pastruar brenda 1 ore , disa jan ne reanimacion nje grua ka psuar frakture te klavikules dhe shpatulles per tjera nuk dihet , ka ardh dhe drejtoresha urgjent mbrem dhe bente presion ce te pastrohet urgjent.Por sot ne mengjes ne mbledhjen e mengjesit mjeket nuk u informuan per ngjarjen asnje fjale dhe drejtoresha nuk erdhi fare ne mbledhje anonim ju lutem
