Detaje të reja kanë dalë lidhur me rastin e dhunës ndaj një vajze në Astir.
Forcat RENEA janë futur në apartamentin e saj dhe e kanë gjetur vajzën të vetme dhe në gjendje të rënduar psikologjike. Gjatë kontrollit, në katin e tetë të ndërtesës janë gjetur dy pistoleta.
Dyshohet se në banesë ka pasur edhe persona të tjerë, por ata mund të jenë larguar para se policia të mbërrinte.
Dëshmitarët, përfshirë banorët e zonës, kanë thënë se kanë dëgjuar të shtëna armësh. Babai i vajzës ka deklaruar se ajo ishte marrë peng.
Banesa ku ka ndodhur ngjarja është marrë me qira nga individë të tjerë, të cilët dyshohet se kanë qëndruar aty.
