Detaje të reja janë zbardhur nga hetimi për sekuestrimin e 7500 m2 tokë në Bërxullë, që dyshohet se janë përfituar nëpërmjet falsifikimit të dokumenteve.
Prokuroria ka kërkuar “arrest në burg” për 3 ish-zyrtarë të përfshirë në këtë shkelje. Në kuadër të hetimeve tashmë të niusra, organi i akuzës kërkoi gjithashtu edhe sekuestrimin e pasurisë 7500 m2 tokë e llojit “Arë” e dyshuar e përfituar në mënyrë të paligjshme dhe më pas e shitur shoqërisë “ALKO -IMPEX-General Construsion” shpk në vlerën 10.000.000 lekë të reja. Kjo kompani, rezulton të jetë nën pronësinë e nipit të ish deputetit socialist Sadri Abazi.
Ndërsa zotërues është “ALKO-IMPEX-General Construction” me 100%, pra nuk ka asnjë emër përveç administratorëve. Por nuk mbaron me kaq. Shoqëria mëmë për “Alko-n” është kompania “ECO CLEANING”. Nëse futesh në faqen e “Open Data” për të kontrolluar pronarin e saj, zbulon se zotërues është sërish “ALKO-IMPEX General Construcion” me 95%, ndërsa vetëm 5% i ka kompania “2T”. Tek kjo e fundit, pronarët të paktën kanë emra dhe janë Artan Sako dhe Dritan Troksi me nga 50% të aksioneve.
Open data:
