Pothuajse një orë pas atentatit të tmerrshëm pranë Liqenit Artificial të Tiranës, policia tashmë ka identifikuar personat që kryen krimin dhe është në kërkim të tyre.
Personi i vdekur mësohet të jetë Haxhi Baçinozi, 62 vjeç nga Mallakastra dhe sipas dëshmive ka qenë duke bërë vrap me të birin e mitur në kohën që ka ndodhur tragjedia.
Fatmirësisht i biri dhe kalimtarët kanë arritur që të shpëtojnë pa asnjë pasojë, mirëpo 62 vjeçari ka mbetur i vdekur në vend.
Sipas Ballkanvveb personat që qëlluan mbi burrin nga Mallakastra, referuar dëshmive të mbledhura në vendngjarje ishin të maskuar dhe të veshur me xhupa të zinj. Ata janë larguar me shpejtësi menjëherë pas krimit.
Referuar burimeve policore, bëhet fjalë për dy persona nga Fieri me incialet I.S. dhe I.B. Po ashtu ngjarja dyshohet se ka ndodhur si pasojë e një konflikti të hershëm, i cili pritet të sqarohet nga momenti në moment.
NJOFTIMI I POLICISË
Tiranë
Informacion paraprak
Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç.
Policia ka identifikuar autorin dhe po punon për kapjen e tij.
