Pas rreth 16 vitesh martesë, moderatorja e emisionit “Dua të të bëj të lumtur”, Arbana Osmani, është në prag divorci me Ardit Keron, bashkëshortin e saj.
Lajmi u bë i ditur vetëm pak kohë më parë nga “iconstyle.al”, të cilët bënë të ditur ekskluzivisht se pas konflikteve të shumta, moderatorja dhe bashkëshorti i saj kishin vendosur t’i jepnin fund martesës.
Fryt i martesës së gjatë është një djalë me emrin Jon.
Sipas “Blitz” Arbana me bashkëshortin e saj nuk ndajnë më të njëjtën çati. Thuhet se ajo po nis një jetë të re me të birin.
Po ashtu, një tjetër detaj që dëshmon ndarjen e tyre është mosmbajtja e unazës në gishtin e martesës nga moderatorja. Kjo është vënë re në fotot e saj të fundit në Instagram si dhe në emisionin që drejton.
Sakaq, informacione të reja kanë dalë në dritë lidhur me ndarjen e tyre. Burime për “Panorama Plus” konfirmojnë se partneri i saj, pas ndarjes, ka udhëtuar në Shtetet e Bashkuara të Amerikës për të kaluar situatën e vështirë.
Pavarësisht gjithçkaje ende nuk kemi marrë një konfirmim zyrtar nga vetë Arbana, e cila si gjithmonë është mjaft e rezervuar kur bëhet fjalë për jetën e saj private. /iconstyle.al/
