Shkodra vijon të jetë një vatër e nxehtë e koronavirusit në vendin tonë.
Nga 21 personat e konfirmuar ditën e sotme, 11 janë në Shkodër.
Nga këto, 4 janë anëtarë të familjes Hoxha në lagjen “Xhabije”, 2 të tjerë punonjës fasonerie dhe 4 anëtarë të një familje në Kryebushat.
Deri më tani Shkodra numëron 94 raste me COVID-19 dhe është qyteti i dytë më i prekur.
Gjatë 24 orëve të fundit ndërkohë, janë zhvilluar 253 teste, nga 5080 në total.
Numri i të shëruarve ka shkuar në 283, pasi janë shtuar dhe 6 të tjerë në orët e fundit.
Në shërbimin infektiv aktualisht janë 35 të shtruar, 7 prej tyre në terapi intensive.
Ndërsa në spitalin COVID 2 “Shefqet Ndroqi”, janë 8 pacientë të shtruar, 4 në reanimacion të intubuar, ndërsa 4 prej tyre ndodhen në pavion.
