Zbulohet shkaku i zjarrit në komisariatin nr.5 në Kamëz mbrëmjen e së shtunës, ku u lëndua punonjësi i policisë Hajredin Boja, i arrestuari Dilaver Idrizi dhe Humbi jetën Arben Mici.
Nga hetimet ka rezultuar se ka qenë pikërisht ky i fundit shkaktar i zjarrit. Sipas informacioneve, mësohet se i riu fillimisht i ka vënë zjarrin vetes, e më pas ka marr flakë dysheku ku rrinte 26-vjeçari.
Flakët janë shpërdarë shumë shpejt në qeli, ku si pasojë u dëmtua dhe mori djegie në masë 20% dhe 61-vjeçari Idrizi.
Shkak i ndërmarrjes së aktit të rëndë, dyshohet se ka qenë gjëndja e rëndë psikologjike e të riut, ku nga dëshmitë edhe të familjarëve mësohet se ai herë pas herë shfaqte shenja depresioni, edhe pse nuk ka një kartelë mjekësore, pasi nuk është kuruar asnjëherë.
Pas ndërmarrjes së këtij akti burime thonë se i riu ka shkuar me shpejtësi në tualet, ku edhe ka humbur ndjenjat. Për ngjarjen e rëndë me një viktimë dhe 2 të plagosur, në pranga përfunduan, dy efektivë policie.
Të arrestuarit janë inspektorët Fatmir Isufi 64 vjeç dhe Hajredin Boja 64 vjeç, të dy oficerë sigurie në dhomat e paraburgimit të personave të ndaluar apo restuar.
Boja është punonjësi i policisë që mbeti edhe vetë i lënduar nga flakët e zjarrit, pas tentativës për të nxjerr jashtë të ndaluarit. Dy efektivët u vunë në pranga pas verifikimeve nga Agjencia e Mbikëqyrjes Policore (AMP). Ata akuzohen për shpërdorim detyre dhe mosdhënie e ndihmës.
Për të njëjtat vepra penale në gjëndje të lirë po hetohen edhe 3 policië të komisariatit nr 5. Nën hetim janë vënë dy inspektorët, Lutfi Muçi e Mark Marashi si dhe komisari Ylli Çollaku.
