Zhdukja e një vajze 19-vejçare me origjinë shqiptare në Greqi është kthyer në lajm dite në mediat e shtetit Helen.
Në informacionet më të fundit nga mediat greke, bëhet e ditur se, 19-vjeçarja po takohej më një djalë tjetër, pasi ishte ndarë më parë me ish-të dashurin 24-vjeçar, me të cilin kishte lidhje.
Kërkimet për gjetjen e 19-vjeçares Artemis Vassilis, të zhdukur disa ditë më parë vazhdojnë. Ndërkohë policia greke po kontrollon kamerat në rrugë për lëvizjet e saj në Paiania dhe Pallini, ndërsa po hetojnë dëshmitë që kanë ardhur nga persona që mund ta kenë parë 19-vjeçaren.
Në informacionet më të fundit nga mediat greke është bërë e ditur se 19-vjeçarja po takohej më një djalë tjetër, pasi ishte ndarë me 24-vjeçarin me të cilin kishte lidhje.
Ndërkohë dhe një gjurmë e policisë është telefoni celular i vajzës, i cili u shfaq në antenën e një kompanie të telefonisë celulare në zonën më të gjerë në Paiania dhe Koropi.
Deri më tani, janë bërë të gjitha procedurat e nevojshme për të hapur llogaritë në mediat sociale të 19-vjeçares dhe për të zbuluar me kë kishte folur dhe kush ishin kontaktet e fundit para zhdukjes së saj.
Gjithashtu ditën e premte ora 23.50 televizioni grek Alpha ne emisionin “Fos sto Tunel” me drejtues Angeliki Nikolouli, do të jetë në lidhje të drejtpërdrejtë në ndjekje të gjurmëve të vajzës shqiptare, në një përpjekje për të hedhur dritë mbi këtë çështje.
Artemisë Vassilis është larguar nga shtëpia ditën e premte, ku familjarët i ka thënë se do shkonte për të dhënë një intervistë pune në një dyqan lodrash të njohur në Koropi, por sipas hetimit të policisë, Artemis kurrë nuk shkoi në Jumbo.
Sipas familjes së saj, Artemis kishte takuar një 24-vjeçar përmes Facebook dhe rrallë kishte dalë me të, pasi prindërit e saj nuk ishin dakord në lidhje me këtë njohje.
Babai i Artemis, ka thënë se di pak për të riun dhe së fundmi ajo i kishte treguar se i kishte dhënë fund kësaj marrëdhënieje. Ndërkohë që miqtë e saj e kishin parë vajzën të trishtuar për shkak të ndarjes së saj nga i riu.
Sipas informacioneve, vajza 19-vjeçare kishte 40 euro me vete kur doli nga shtëpia. Ditën kur Artemisa u zhduk, ajo kishte veshur pantallona të zeza, këpucë të bardha, një këmishë blu të hapur me vija të bardha dhe një çantë të zezë shpine.
/GazetaReforma.com/
