Rritja e rasteve pozitive me Covid-19 ka sjellë një ngarkesë të menjëhershme të spitaleve dedikuar trajtimit të pacientëve me virus.
Prej katër ditësh tashmë, për shkak të rëndimit të situatës tek spitali “Shefqet Ndroqi”, urgjencat e Tiranës dërgohen tek infektivi.
Duke i’u referuar vetëm një periudhe kohore nga data 15 janar “Shefqet Ndroqi” kishte 90 të shtruar, kurse sot 200. Momentalisht në të katërt spitalet e Covid ka mbi 420 të shtruar.
Ndërsa pjesa më e madhe e shteteve u janë përgjigjur shifrave në rritje të të infektuarve duke ashpërsuar masat anti-Covid, në vendin tonë vijojnë të jenë në fuqi masat e përcaktuara qysh prej muajit nëntor.
Pavarësisht se ekziston në ligj dënimi me 30 mijë lekë të vjetra për mos mbajtje të maskës në ambiente publike, shumica e qytetarëve nuk i janë bindur këtij urdhri.
Baret dhe restorantet janë kthyer tashmë në grumbull të panevojshëm njerëzish. Këtu problemi është dhe i rregullave të vëna, të cilët lejojnë heqjen e maskës brenda këtyre ambienteve.
Gjithashtu në një dalje publike, Komiteti i Ekspertëve teknik nuk e mohoi hapjen e universiteteve dhe kthimin në auditor, duke lënë të kuptohet se asnjë mas ekstra nuk po ndërrmeret për të përballuar këtë vale të tretë infektimesh.
Majfton të permidnim 14 viktimat vetëm në spital ditën e djeshme, 1052 te infektuar dhe 3.7 teste për 1 të infektuar, për t’i cilësuar të dështuara menaxhimin e pandemisë nga qeveria.
