Të gjithëve na kujtohet emri i Gent Gazhelit. Ish-ambasadori i Shqipërisë në Turqi, që u bë i njohur për të gjithë vitin e kaluar në lidhje me vogëlushin Alvin Berisha.
Falë emisionit investigativ ‘Le Iene’, Alvini u shpëtua nga kampi i ferrit ‘Al Hol’, por ambasadori mori kritika të forta, teksa nuk ishte përgjigjur telefonatave të gazetarëve, edhe pse u kishte premtuar ndihmë për këtë çështje delikate. Gazheli, pak kohë pas kësaj ngjarje, u largua nga posti i ambasadorit, duke dështuar me sukses.
Ditën e sotme, është bërë publik vendimi se Gent Gazheli është emëruar drejtor i Përgjithshëm i Doganave. Ish-ambasadori i Shqipërisë në Turqi zëvendëson në këtë post Gjon Bardhin. Ai mbante më parë rolin dhe si kreu i Albpetrol, të cilin hoqi dorë pak ditë më parë.
/GazetaReforma.com/
