Kuvendi i Kosovës mbledh sot për herë të 16-të deputetët e rinj, në një tjetër përpjekje për ta konstituuar përbërjen e re pas zgjedhjeve të 9 shkurtit.
Tre muaj pas votimeve, institucionet vazhdojnë të mbeten në ngërç, pasi procesi nuk ka prodhuar ende një kryetare të re Kuvendi.
Lëvizja Vetëvendosje, fituese e zgjedhjeve, ka propozuar Albulena Haxhiun për këtë post, por deri tani ajo ka siguruar vetëm 57 vota, katër më pak nga shumica e nevojshme prej 61 votash.
Opozita, PDK, LDK dhe AAK ka refuzuar të mbështesë kandidaturën e saj, duke e mbajtur të bllokuar procesin.
