Dëshmi e re e rëndë del për vdekjen e 53-vjeçares në fshatin Vagalat në Memaliaj.
Ashtu siç edhe u raportua më herët, Antoneta Hoxha është gjetur e pajetë në banesën ku jetonte me bashkëshortin e saj, Skënder Hoxha, ku sipas dëshmisë së kryeplakut të fshatit ka qenë vetë ai që e ka vrarë.
Nga çfarë bëhet e ditur ngjarja mësohet të ketë ndodhur në rreth orës 4:00 të mëngjesit dhe ka qenë vet Skënder Hoxha ai që ka lajmëruar kryeplakun e fshatit, Hodo Hoxha, duke i thënë” Hajde se ka vdekur gruaja!”
Pak minuta më parë kryeplaku i fshatit është shprehur se e ka gjetur 53-vjeçaren me plagë të mëdha në kokë, por nuk ka parë se me çfarë është vrarë.
“U ngritrëm shkuam dhe e pamë, e kishte mbuluar gjaku. Mos e kapni me dorë tha (burri) se e kanë vrarë. Nuk e di a e ka vrarë ai. Nuk kishin probleme më parë. Kemi hyrje dalje, ishin të qetë.
Çifti ka një djalë dhe tre vajza, të cilat i ka martuar, dy janë në Greqi dhe njëra në Tiranë. Kur erdha unë në orën 04:00 ishte mbuluar në gjak, e çarë në kokë”, shprehet ai.
Aktualisht bashkëshorti i Antoneta Hoxhës ndodhet në komisariatin e policisë ku ëshë duke dhënë dëshminë e tij dhe ende nuk dihet nëse e ka pranuar ose jo krimin e rëndë.
