Frikë dhe tmerr ka përhapur një ngjarje e ndodhur ditën e sotme në Elbasan. Bëhet fjalë për tre pacientë të dërguar me urgjencë nga Elbasani për në Sanatoriumin e Tiranës, prej ku mjekët dyshojnë për virusin e Gripit të Derrit.
Që në momentin që janë shtruar në Sanatorium, iu janë bërë analizat e duhura dhe rezultatet priten të vijnë nga Instituti i Shëndetit Publik.
Lidhur me këtë ngjarje Drejtoria e Shëndetit Publik në Elbasan ka bërë një mbledhje urgjente.
Po çfarë është Gripi i Derrit dhe cilat janë simptomat e tij?
Gripi i derrit është sëmundje të cilën e shkaktojnë lloje të ndryshme virusesh të cilët te derri janë endemikë. Virusi H1N1, i tipit A, nuk transmetohet nga konsumimi i mishit apo kontakti me derrin, por transmetohet nga njeriu tek njeriu, njëjtë si gripi i normal, pasi është një kombinim i gjeneve të virusit të derrit, të shpendëve dhe njeriut. Ky virus konsiderohet vdekjeprurës. Gripi i derrit ka simptoma të ngjashme me gripin e zakonshëm. Specialistët deklarojnë se nuk ka asnjë vaksinë që të mbron prej tij, por është provuar se është i ndjeshëm ndaj disa medikamenteve.
Simptomat e gripit të derrit janë:
* Temperatura, e cila pothuajse është çdo herë prezente me vlera mbi 39.4°C në 12 orët e para
* Ftohje (acarim)
* Dhimbje të kokës
* Dhimbje të muskujve
* Humbje të apetitit
* Molisje (lodhje ekstreme)
* Skuqje dhe djegie e syve
* Zënie dhe shkuarje hundësh
* Kollë e thatë
* Dhembje gryke (fyti)
* Te disa raste po lajmërohen edhe marramendja, vjellje dhe diarreja.
