Është tensionuar situata pranë kuvendit të Shqipërisë ku qytetarët kanë dalë për të protestuar në mbështetje të deputetëve të opozutës që janë përjashtuar nga seanca. Pasi nuk u lejua të futet në sallë deputeti Luçiano Boçi deklaroi për mediat se ndalimi i tyre për të hyrë në sallë është i paligjshëm.
“Sipas nesh ja ku është vendimi I lëshuar nga sekretari I përgjithshëm. Është masë disiplinore dhe jo masë ndaluese. Pra sipas logjikës së tyre I bie të mos takojmë edhe njerëzit për 10 ditë. Unë nuk kam të drejtë të kërkoj fjalën, as për procedurë. Por nuk ka ndalim fizik për deputetët. Mund të ulen të ndjekin seancën pa folur. Tani më thoni kë të drejtë do të zbatojmë atë sipas një vendimi të gabuar, apo atë që thotë se masa është disiplinore. Është parlament policor që ka vrarë fjalën e lirë. Ku ka ndodhur të jenë të përjashtuar 8 deputetë. Por kjo bëhet sepse duhet që Rama të mos shqetësohet për të vërtetën tronditëse. Faktet kanë dalë. Detyra jonë është të përfaqësojmë njerëzit. Duke të ikur arsyeja normal që të ikin dritat”, tha Boçi.
Boçi tha më tej: Betejën e kemi me Ramën dhe kukullat e tij në Parlament që japin urdhra me telefon për të goditur opozitën. Apeli për qytetarët që t’i bashkohen protestës. ky regjim nuk duhet të vijojë më. Parlamenti ka vdekur dhe kjo dëshmohet me mënyrën si sillen me deputetët. Nëse sillen kështu me deputetët ku ja vënë qytetarëve kufirin e ekzistencës? I detyrojnë të largohen me vendimet e tyre.
Vokshi: Tani të ikim tek protestuesit, tek Parlamenti i popullit.
Aktualisht pasi deputetët e opozitës nuk u lejuan të futen është tensionuar situata dhe janë hedhur shashka në drejtim të policisë.
