Bledi Çuçi mblodhi këtë të hënë Grupin Parlamentar të Partisë Socialiste për të diskutuar mbi axhendën e javës së re në Kuvend dhe seancën e ditës së enjte, ku pritet të kalojnë disa projektligje dhe marrëveshje. Mësohet se Çuçi u ka kërkuar deputetëve socialistë që të jenë prezentë në seanca dhe të angazhohen në diskutime gjatë miratimit të projektligjeve. Vlen të theksohet se në parlament ka deputetë që nuk iu është dëgjuar zëri i gojës një herë të vetme dhe kjo jo vetëm në radhët e socialistëve, por edhe të opozitës. Kujtojmë se për 3 muaj, përjashtuar 2 seancat e fundit që është kthyer normaliteti, deputetët e opozitës bllokonin foltoren, ndërsa ato të mazhorancës vetëm ngrinin kartonat. Në 2 seancat e fundit është kthyer normaliteti pas marrëveshjes Rithemelimi-PS, ku 2 palët që nuk lanë gjë pa thënë për njëri tjetrin, miratuan interesat e përbashkëta si amnistia penale.
